As liñas de investigación do Grupo de Novos Medios da Universidade de Santiago de Compostela son as seguintes:
-Investigación das demandas dos novos consumidores, anunciantes e audiencias con especial atención os lectores e sectores económicos emergentes.
-Estudio das perspectivas e tendencias no ámbito da comunicación na Unión Europea.
-Laboratorio de proxectos e de elaboración da información., con especial atención á arquitectura da información.
-Estudio continuo dos medios electrónicos e impresos.
-Observatorio europeo de comunicación local.
-Análise permanente dos productos informativos dos mercados globais e locais
Os servizos que ofrece na actualidade o grupo son:
-Plans de comunicación corporativa e de comunicación integral.
-Auditorías de comunicación.
-Deseño e elaboración de productos informativos -medios impresos e medios electrónicos en rede-.
-Elaboración de páxinas web, arquitectura da información e servicios informativos.
Unha longa traxectoria
O grupo de investigación en Novos Medios da Universidade de Santiago de Compostela
realizou xa catro proxectos de investigación financiados por Organismos Públicos e publicou oito libros relacionados con xornalismo electrónico e coa Arquitectura da Información. Ademais, foi o organizador dun congreso internacional sobre xornalismo electrónico e é o organizador da Reunión Científica Anual da Sociedad Española de Periodística. Neles abordáronse temas referidós á xestión de arquivos audiovisuais.
Os membros de Novos Medios participaron no ano 2004 en 15 congresos e simposiums nacionais e internacionais, salientando a presenza no Online Journalism Symposium de Austin (Texas), en varios foros celebrados en Tampere (Finlandia), Londres e Novo York, así como noutros eventos científicos celebrados en España, como o “Forum das Culturas” de Barcelona ou o “New Research for New Media” de Tarragona. Na actualidade colabora en varios proxectos de investigación coas universidades de Navarra, País Vasco e Málaga. Forma parte da investigación europea COST A20.