Rosa Aneiros Díaz licenciouse en Xornalismo pola facultade de Ciencias da Comunicación da Universidade de Santiago de Compostela en 1998. Actualmente traballa no Arquivo e na Sección de Comunicación do Consello da Cultura Galega e imparte clases de Métodos de Investigación en Comunicación Social e Técnicas de Comunicación Audiovisual e Publicidade na facultade de Humanidades da USC (Campus de Lugo). Colabora habitualmente en medios de comunicación e é autora de diversas obras literarias. A súa principal liña de investigación céntrase no estudo da prensa histórica de Galicia.