Miguel Túñez López

Caracas-Venezuela, 1962. Doutor en Xornalismo pola Universidade Autónoma de Barcelona sobre a incidencia das rutinas produtivas na información política. É profesor titular de Produción da Información do Departamento de Ciencias da Comunicación da USC.

Autor ou coautor de varios libros e artigos sobre comunicación de crise, (Comunicación preventiva, Netbiblo, 2007), gabinetes de comunicación (Relaciones Informativas, en “Gestión de la comunicación de las organizaciones”, Ariel, 2004), comunicación política (El temario monofónico, en “Información Pública”, Volume IV. Universidade Santo Tomás (Chile) (2006), e newsmaking (Producir Noticias. Cómo se fabrica la realidad periodística. Tórculo Ediciones, Santiago-1999).

Tamén coordinou os principais estudos desenvolvidos sobre as condicións laborais dos xornalistas galegos (Da Facultade ó mercado laboral, USC, 2004; A situación laboral dos xornalistas galegos. CPXG, 2003; Condicións laborais e actitudes profesionais nos medios de comunicación. Consello da Cultura Galega, 2000).

Vocal do Consello Asesor de RTVE-Galicia e vogal do Consello Asesor de Telecomunicacións e Audiovisual de Galicia. Foi Premio Nacional de Periodismo Reina Sofía -1990
Na actualidade é o Decano da Facultade de Ciencias da Comunicación na USC.