José Sixto (Friol, 1984) licenciouse en Xornalismo na Universidade de Santiago de Compostela co Premio Extraordinario Fin de Carreira de Galicia e da USC. Iniciou a súa actividade investigadora como colaborador do Departamento de Ciencias da Comunicación en 2005. Desde setembro de 2006 goza dunha bolsa da Xunta de Galicia para cursar o doutoramento e pertence ao Grupo Novos Medios.
No seu labor profesional traballou nos servizos informativos de Cope Lugo e TVG e na actualidade coordina e presenta un programa en Correo Tv.
Ten gañado varios certames literarios e en 2007 saíu do prelo Berro de Cristal, o seu primeiro poemario.