O consumo de información vive unha revolución da man das novas tecnoloxías. Por que os medios deben desenvolver contidos apropiados para o iPad, de acordo ás posibilidades tecnolóxicas e narrativas que este novo gadget aporta? Responsables da revista WIRED cóntannos o porque e o como do seu caso particular.
Reunidos en Compostela con motivo das xornadas Novas formas de distribución e consumo audiovisual expertos na distribución de contidos audiovisuais ven como un futuro próximo a converxencia tecnolóxica en televisión, que pasa por “illar o concepto de televisión da plataforma a través da que se recibe o sinal”, segundo explicaba José Antonio Guzmán, Director de Servizos Home de Orange.
As xornadas, organizadas pola Asociación Galega de Produtoras Independentes, Agapi, convertéronse nun espazo de reflexión e debate no que profesionais do sector presentaron as súas experiencias e propostas para adaptarse ao novo panorama que se presenta ante a evolución das novas tecnoloxías no ámbito audiovisual.
Os participantes, entre os que se atopaban representantes de empresas que traballan xa na distribución de contidos audiovisuais como Telefónica, R, Orange ou Sogecable, coinciden en que a clave para que o negocio prospere reside en que os consumidores paguen por unha oferta de contidos que poda ser consumida en calquera plataforma. En palabras de Jacques Roldán, Director de Contidos para Novos Medios de Sogecable, “o abonado debe poder gozar dos contidos aos que está abonado onde queira e cando queira”. Para alcanzar este obxectivo, apuntaba Alfonso Martínez, Director de Marketing Audiovisual de R, que é necesario que “todos os axentes do sector se poñan de acordo para que a converxencia funcione”. Na actualidade o principal problema que existe para que isto non sexa xa unha realidade está relacionado coa xestión de dereitos, xa que non todos os produtores chegan a un acordo cos xestores de contidos para permitir que isto ocorra.
Nas xornadas participou tamén o profesor e membro do grupo Novos Medios, Manuel Gago, quen falou da espectacular evolución da distribución de vídeo online nos últimos anos. Esta é a súa presentación para as xornadas.
Jakob Nielsen, hoxe, en El País:
Lo que es más cuestionable es cuánta gente utiliza el volumen de contenido generado por el usuario. La mayor parte de este contenido no genera en realidad mucho tráfico porque es demasiado caótico y no es lo suficientemente interesante para otros usuarios. Si alguien quiere generar tráfico a sus contenidos, entonces ellos tienen que seguir las pautas de la usabilidad, al igual que lo hace cualquier otro sitio web.
Toshiba vén de presentar no Ceatec 2006, unha feria das industrias dixitais no Xapón, unha pantalla interactiva que permite interaccionar imaxes 3D representadas nun monitor plano cun obxecto real (neste caso, unha copa). Polo que se pode observar, parece que o monitor é capaz de proxectar contido directamente sobre ese obxecto externo. As posibilidades son moi interesantes na medida en que o monitor sexa capaz de determinar a forma física que entra en contacto con el. (Thanks, Amui!)